اتحجــــــبت بجد ولبست عــــــــــــــباية الرأس

4]
من بداية حياتى ولنقول من وانا عمرى 10 سنوات وجدت نفسى ممتلأة القوام ولما كان هذا ينافى كل مقاييس الجمال وكان التركيز علية كبير فقد شغل تفكيرى الموضوع بدرجة الوس فعلا لنقص وزنى
وبدأت رحلتى من ادوية التخسيس وجلسات العلاج الطبيعى وكل ما يخطر على بال من احزمة تخسيس وشورتات واجهزة كهربائية وابر صينى واكثر من 20 طبيب ومصاريف بالالالالالالالالاف والله العظيم وانتهاء بعملية لشفط الدهون كنت هأموت فيها بس ربنا الحمد لله رحمنى وامهلنى وانعم عليا بنعمة الابقاء الى الان حتى اتوب و اراجع الى الله

تخيلوا ان موضوع ذى دا يوصلنى انى امضى اقرار باخلاء ذمة المستشفى اللى عملت فيها العملية عن حياتى بالكلية وعن الخطأ الطبى وهى غير مضمونة

واتعذبت كثير اوى اوى ولا مرة خسيت شىء يذكر وكل مرة يجلى اكتئاب بشكل رهيب

مع ان نعم ربنا ليا اكثر من ان تعد او تحصى بس سبحان الله
" من كانت الدنيا همه جعل الله فقرة بين عينية ولن يأتية منها الا ما كتب له"

مكنتش شايفة الا الموضوع دة وكل فشل فى حياتى لازم يكون دا السبب كنت بافكر كدا يعنى

وطبعا كان نفسى اخس لية علشان البس لبس فظيع بقى اول ما اشوفة اقول بس منيكان

يااااااه على الانسان

ويمكن لو كان جسمى نموذجى كنت عصيت ربنا واكيد اكيد ان حتى زيارة وزنى خير ليا من ربنا دا اكيد والله

المهم

طول عمرى بالبس اغلى لبس واشيك لبس ولا مرة بصيت ف المرايا وعجبنى نفسى ا عمرى ما اشتريت اى لبس الا وبعد اول نظرة ف المرايا اكتأب او اعيط

(على فكرة انا مش مليانة بالشكل الرهيب بالعكس مقبول جدا من الناس ) بس ذى ما قلت الشيطان كان مصورلى ان دى نهاية العالم

وحتى لما اتجوزت جوزى كان بيفض حتى انى احاول اخس وبيقول انه شايفنى كدا جميلة جدا وبيحبنى لكن لم اتوقف برضو عن المحاولات والدعوات

المهم

فى ليلة 25 من رمضان جالى شىء غريب فى نفسى يقولى فى حاجة فى حجابك برضو مش صح مع انى لابسة خمار من شهرين تقريبا

المهم فتحت النت وكتبت على جوجل (موصفات الحجاب الشرعى)

وكان انه يظره امامى مقال ينتهى بكلمة هزتنى جدااا

(الحجاب عبادة لله فأعبد الله على مراد الله على هواك)
ومواصفات الحجاب الشرعى (الا يكون زينة فى نفسة)
دى كانت نهاية المقال وبعدها قلت لنفسى خلاص اعبد ربنا على مراد ربنا ولا فما فائدة لبس العبايات المطرزة الملفتة للنظر اللى هى فى حد نفسها بقت زينة وكذلك الوان الخمارات
واخدت القرار وشجعنى زوجى على لبس الاسدال
او ما يعف فى السعودية بعباية الرأس السوداء

وأشهد الله انى من اول ما نظرت فىا لمرايا الا عجبنى الشكل جداااااااااااااااااااااااااااا اا وعمرها فى حياتها محصلت معايا مع ان الاسدال ثمنة لا يتعدى ثمن اشارب سوارية شيك شوية

فسبحان مقلب القلوب
وكان اكثر حاجة مخوفانى ان بابا بيكره اللون الاسود عليا واخويا وانا بحبهم وعايزة رضاهم ففضلت ادعى بنا كثيرررررررر يارب رضى اهلى عنى يارب

ومع توقعى لكلمتنين وبعدها يهدوا ويتعودوا

لكن المفاجأة سبحانك يارب
الو ما شفونى كلهم قالوا ماشاء الله الله اكبر دا حلو عليكى جداا

وكل اهلى قالوا نفس الكلام

فسبحان الله من ارضى الله بسخط الناس رضى الله وارضى الناس عنة

وزمان لما كنت باعصى ربنا فى اصرارى على تغيير خلق الله بأى طريقة وباستماته

كان لسان حالى يقول من اسخط **** برضى الناس سخط الله علية واسخط علية الناس
وللامانة من جوايا عمرى ما كنت حاسة ان شكلى وحش بالعكس بس كنت باغير علشان ارضى اللى حواليا ومحسش بأى نقص

لكن دلوقتى فخورة بحجابى ويعلم الله انى مازال عندى لبس لم اضعه حتى على جسمى ولن البسه خاج بيتى اطلاقا ابتغاء وجه الله

كتبت لكم تجربتى لعلها تغير كثير

وننظر فى حجابنا اللى اتضحك علينا بيه وخدعوكى فقالوا الحجاب انك تغطى شعرك ولو بقيتى ملتزمة ابقى تطولى الطرحة وخليها تغطى صدرك بس طبعا علشان ميبقاش شكلك عجوز وعيان مش مهم شوية طباعه عليها والعقد د تحفة دا هو اللى بيحلى البلوزة والفيست دا رائع ماهو تحتة بدى مش هيبان غير بس الكم هو اللى ضيق لكن الطرحة الطويلة علية عادى طبعا يجوز

خدعونى او خدعت نفسى سنين

ربنا يغفرلى ويرحمنى ويتقبل منى يارب

ادعولى بالثبات

ايمان

[/size]